Oldinroq Spot yozganidek, O'zbekiston Markaziy banki 7 ta kredit muassasasiga tizim uchun ahamiyatli maqomini berdi.
Ro'yxat regulyator tomonidan noyabrda tasdiqlandi. Unda beshta davlat va ikkita xususiy bank kiritilgan bo'lib, ular 1 oktabr holatiga ko'ra mamlakat bank tizimidagi barcha aktivlarning 67% ni egallagan.
2025 yil uchun tizim uchun ahamiyatli banklar sifatida «Agrobank», «Asakabank», «Ipoteka-bank», «Kapitalbank», Xalq banki, NBU va «Uzpromstroybank» hisoblanadi.
Markaziy bank tomonidan 2023 yil fevralda tasdiqlangan qoidaga ko'ra, bankning tizim uchun ahamiyatliligini aniqlashda quyidagi mezonlar qo'llaniladi:
- aktivlar va majburiyatlar hajmi;
- boshqa bank tizimi ishtirokchilari bilan o'zaro bog'liqlik;
- bank operatsiyalarining qamrovi;
- bank operatsiyalarining murakkabligi.
Oldinroq Spot 2024 yilning uchinchi choragi oxiridagi banklarning rentabelligi reytingini e'lon qilgan.
«Tizim uchun ahamiyatli banklar» atamasi turli mamlakatlarning qonunchiligida kredit tashkilotlari bozorida katta ulushga ega bo'lgan va bankrotligi moliyaviy tizimning umumiy barqarorligiga ta'sir qilishi mumkin bo'lgan banklarni belgilash uchun ishlatiladi. Rossiyada tizim uchun ahamiyatli deb 13 ta bank (VTB, «Gazprombank», «Sber» va «T-Bank»ni o'z ichiga olgan holda) hisoblanadi.