Markaziy bank kreditlarni jismoniy shaxslarga rasmiylashtirish bo'yicha o'z-o'zini taqiqlashga doir qonun haqida sharh berdi.
Hujjat loyihasi 11 dekabrda Qonunchilik palatasi tomonidan birinchi o'qishda qabul qilindi. Unda "Kredit ma'lumotlarini almashish to'g'risida"gi qonunga o'zgartirishlar kiritiladi, bu kredit berish sohasini takomillashtirish va fuqarolarni noqonuniy harakatlardan himoya qilishga qaratilgan.
Hozirgi kunda firibgarlar boshqa shaxslar nomidan kredit rasmiylashtirish sxemasini ishlatib, pul o'g'irlaydilar, deya ta'kidladi Markaziy bank. Buni oldini olish uchun fuqarolar kredit shartnomalarini tuzishga taqiq qo'yishni so'rab kredit byurosiga murojaat qilishlari mumkin.
Moliyaviy tashkilotlarga qarz oluvchining to'g'ridan-to'g'ri xabardor qilinmasdan yoki uning bevosita ishtirokisiz kredit bitimlarini tuzish taqiqlanadi. Maxsus ro'yxat tuzish rejalashtirilmoqda, unda kreditlarni masofadan rasmiylashtirishga taqiqlangan shaxslar bo'ladi.
Shuningdek, qonun loyihasi kredit byuralari uchun minimal ustav kapitali hajmini 2 milliard so'm darajasida belgilaydi. Bundan tashqari, u kredit byuralari tomonidan amalga oshirilgan qonunbuzarliklar uchun Markaziy bank tomonidan ta'sir choralari va jazolarni belgilaydi.
Rossiyada iste'mol kreditlari va mikrokreditlar olish uchun o'z-o'zini taqiqlash to'g'risidagi qonun fevral oyida qabul qilindi va 2025 yil 1 martdan kuchga kiradi. Cheklovlar banklar darajasida joriy etiladi va qarzlar bilan bir qatorda onlayn bank xizmatlarida boshqa operatsiyalarni ham qamrab olishi mumkin — masalan, pul o'tkazmalari.
Ta'qiqlardan tashqari, mijozning arizasi bo'yicha bir o'tkazma yoki bir necha davrlar davomida maksimal summa cheklanishi mumkin. Bunga qadar Rossiya Banki 2022 yilda tijorat banklariga mijozlarga onlayn operatsiyalarni o'zlari cheklashga ruxsat berishni buyurgan edi.
Rossiya hukumati kredit berish bo'yicha o'z-o'zini taqiqlash tartibini oktyabrda tasdiqladi. Ta'qiqlarni joriy etish yoki bekor qilish to'g'risidagi arizani "Gosuslugi" portali yoki Ko'p funksiyali markaz orqali berish mumkin bo'ladi.
Oldinroq Spot, Markaziy bank onlayn kredit berish jarayonida "sovutish davri"ni joriy etganini yozgan edi.