O'zbekistonda nafaqaxo'rlar soni e'lon qilindi.

O'zbekistonda necha nafar pensiyachining ro'yxatdan o'tgani haqida ma'lumot berildi. Statistikani Respublikadagi pensiya fondi e'lon qildi.

Ma'lumotlarga ko'ra, Respublikada 4 096 500 pensiyachi mavjud. Ushbu raqamlar joriy yilning 1 dekabr holatiga ko'ra ro'yxatdan o'tkazilgan.

Shuni ta'kidlash joizki, yoshga ko'ra pensiya oluvchi fuqarolar soni 3 million 390 ming kishini tashkil etadi. Taxminan 464 ming fuqarolar nogironlik pensiyasini olishmoqda. 242 mingdan ortiq fuqarolar esa oila a'zosini yo'qotganlik uchun pensiya olmoqda.

Eng ko'p pensiyachilar Farg'ona viloyatida ro'yxatdan o'tgan – 484 ming kishi. Eng kam pensiyachilar esa Sirdaryo viloyatida – 104 mingdan ortiq fuqarolar. Toshkentda pensiyalar 372 mingdan ortiq fuqaroga to'lanmoqda.