O'zbekistonda himoya orderini endi "onlayn" rejimida olish mumkin.

Yagona interaktiv davlat xizmatlari portalining matbuot xizmatida axborot xabari e'lon qilindi.

Xabarda aytilishicha, my.gov.uz portalida "Zo'ravonlik va ta'qibga uchragan ayollarga himoya orderi berish" xizmati paydo bo'ldi. Endi zo'ravonlik yoki ta'qibga uchragan ayollar onlayn tarzda himoya orderi olish uchun ariza topshirishlari mumkin. Ariza profilaktika inspektoriga yetib borgach, 24 soat ichida ko'rib chiqilishi ta'kidlangan.

Himoya orderini berish jarayoni jabrdiydani himoya qilishga qaratilgan bo'lib, zo'ravonlikni amalga oshirgan shaxsga bir qator cheklovlar qo'yadi. Jumladan, unga quyidagilar taqiqlanadi:
1. Ta'qib va zo'ravonlik qilish;
2. Jabrdiyda bilan aloqa o'rnatish;
3. Jabrdiyda bilan bir xonada bo'lish;
4. Qurol saqlash va olib yurish.
Bundan tashqari, himoya orderi zo'ravonga jabrdiydaga yetkazilgan moddiy va ma'naviy zararlarni qoplash hamda davolanish majburiyatlarini yuklaydi.

Avvalroq, Yashnobod tumanida uch nafar erkakni ichkilik ichgan holda qizga ta'qib qilgani uchun jazolaganimiz haqida xabar bergandik.